tarikat.org1Bakdugum yüzde gördüm O Tapdug'um nûrını Maksûdum bugün buldum ben n'iderem yarını
2Yarınum bugün bana hoş bayram dügün bana Düşde gelür ün bana işidün ahbârını
3Dostun haberiyile nefsün sana yâr eyle Yık dosta yarag eyle bu vücûdun şârını
4Vücûda gelmeyince kimse Hakk'ı bilmedi Bu vücûddan gösterdi dost bize dîdârını
5Erün dîdârın gördüm gümân terkini urdum Dost bahçesine girdüm ögerem gül-zârını
6Dostun yüzi gül bana ‘âşıkam yol bul ana Kaykımazam dört yana çün buldum ‘ışk erini
7Elestü bi-Rabbiküm Hak'dan nidâ gelicek Mü'minler Belî diyüp itdiler ikrârını
8Kâlu belî dinildi münkir-muhib bilindi O demden duta geldi câhiller inkârını
9Yûnus'a küfr elinden şikâyete geldiler İy sultânum girçek er kes gider zünnârını