tarikat.org1Helâl kıldı ma‘şûka ‘âşık kendü kanını Ma‘şûk nakşından okur her ‘âşık Kur'ân'ını
2Yârdan ayru olınca asılup ölmek yigdür ‘Âşık kendü bıragur boynına urganını
3Gitmez ‘âşık gözinden hergiz ma‘şûk hayâli Nitekim Zelhâ virür Yûsuf'un nişânını
4Dirlik budur ‘âşıka Ma‘şûk yolında öle Sorarlarsa eyidem ‘âşıkun burhânını
5Belkîs'ıla Süleymân ‘ışka düşdi bir zamân İsteyüp bulmadılar bu derdün dermânını
6Gökdeki Hârût-Mârût ‘ışk içün indi yire Zühre yüzin göricek unıtdı Rahmân'ını
7Güzâf görmen siz ‘ışkı kime ugradıyısa Sultânı iltür başdan yitürür hânmânını
8Ferhâd bu ‘ışk yolında başın külünge tutdı Hüsrev Şîrîn derdinden dosta virdi cânını
9Leylî'yle Mecnûn işi ‘aceb gelür bu halka Abdü'r-rezzâk terk itdi ‘ışk içün îmânını
10Zamân bî-vefâları cefâ kılur Yûnus'a Bir togru yâr bulıcak fidî kılur cânını