tarikat.org1İy dünyâya aldanan hayırla ihsân kanı Unutdun âhireti şefkatla îmân kanı
2Kimde ki şefkat vardur rahmet dahı andadur Şimdi bir gönli açuk sünnî müsülmân kanı
3İbrâhîm Halîl geldi Ka‘be'ye bünyâd urdı Oglına bıçak çaldı İsmâîl kurbân kanı
4Şeddâd bir uçmak yapdı Nemrûd göge ok atdı Kârûn'ı da yir yutdı Âdil Nuşirvân kanı
5Kim ki istedi buldı kullugı tamâm oldı Key Mısr'a sultân oldı Yûsuf-ı Ken'ân kanı
6Resûl Mi‘râc'a agdı gökden yire nûr yagdı Habîb'üm diyü ögdi ol Fahr-ı cihân kanı
7Ebubekr ile ‘Ömer yüzlerinden nûr tamar Sînesi tolu Kur'ân Osmân-ı Âffân kanı
8Bineridi Düldül'e bilinde Zülfekâr'ı Erenler açdı dîni Tanrı Arslan'ı kanı
9Çalap Tanrı'nun hâsı Hazret'e geçer nâzı Peygamber'ün ‘âmusı Hamza pehlevân kanı
10Cüneyd-i Bagdâdî vü Şiblî vü Ma‘rûf-ı Kerhî Anlar vardı bu yolı şimdi ol erkân kanı
11Bâyezîd-i Bestâmî yidi kat gök seyrânı Ol erenler sultânı gevher-i ma‘den kanı
12Geçdi bunlarun çagı dünyâ kahrun ocagı Ebu'l-Müslim Necefî sâhib-i kırân kanı
13Bir gönül ele getür ferâgât ol geç otur Konya şehrinde yatur ol iki sultân kanı
14Fakîh Ahmed Kutbü'd-dîn Sultân Seyyid Necmü'd-dîn Mevlânâ Celâlü'd-dîn ol Kutb-ı cihân kanı
15Ol Seyyid Ahmed Kebîr müyesserdi ana nûr ‘Iyâlleri cümle şîr ol hulkı merdân kanı
16Yûnus Emrem aç gözün toprak eylegil yüzün Sana dahı diyeler cigeri biryân kanı