Ma‘nî berâtın alduk uş gine elümüze Hak sözi viribidi pâdişâh dilümüze

1Ma‘nî berâtın alduk uş gine elümüze Hak sözi viribidi pâdişâh dilümüze

2Hak sözlerini söyler cânları hayrân eyler Câhiller giremezler bu bizüm seyrümüze

3Sırrumuza irmezler inen yoldaş olmazlar Degmeler hâldaş olmaz bu bizüm hâlümüze

4Hâlümüze hâldaş ol yolumuza yoldaş ol Müşkilün beyân olsun baş indür ulumuza

5Bu bir genc-i nihândur n'ister sofîlar bunda Niçe ördek niçe kaz hoş iner gölümüze

6Şol bâkîye biz tapduk dünyâyı elden koduk Âhreti kabûl itdük şâkirüz ulumuza

7Yûnus sen bahrî olgıl nûr denizine talgıl Bu Hak sözleri algıl iresin kânumuza