Yine bu bâd-ı nev-bahâr hoş nev‘ ile esdi yine Yine kışun sovuklugı fuzûllıgın kesdi yine

1Yine bu bâd-ı nev-bahâr hoş nev‘ ile esdi yine Yine kışun sovuklugı fuzûllıgın kesdi yine

2Yine rahmeti bî-kıyâs yine ‘işret oldı dem-sâz Yine geldi bu yini yaz kutlu kadem basdı yine

3Yine yini hazîneden yini hil‘at giydi cihân Yine virildi yini cân ot u agaç sesdi yine

4Ölmiş idi ot u şecer dirilüben girü biter Müşriklere nükte yiter var eyledi nesli yine

5Yine sahra vü merg-zâr hoş akar esrük bu sular Cihânlara saçdı nisâr cümle ‘âlem dostı yine

6Yine yir yüzi tonanup kat kat olup renge batup Bülbül güle karşu ötüp cân budaga asdı yine

7Sözüm degül yaz kış içün geldi ma‘şûka iş içün Oldı yini bagışlamak pâdişâhun kasdı yine

8Yine Yûnus başdan çıkıp ‘âr u nâmûsı yıkup ‘Âşıklarun cur‘asından ulu kadeh içdi yine