Bu dünyânun misâli benzer bir degirmene Gaflet anun sepedi bu halk ögünen dâne

1Bu dünyânun misâli benzer bir degirmene Gaflet anun sepedi bu halk ögünen dâne

2Degirmene varursun degirmenci sorarsın ‘Azrâîl dirlerimiş ol unı ögüdene

3Oluk-su Hak varlıgı evliyâdur çarh igi Çarhı çarha benzetmiş âferin benzedene

4Andan ol çarhun yiri ol çakıldak ipleri Endîşendür bulaşuk kaygula perîşâne

5Öter çakıldak dün gün ögüdür döger anı Ol gün durur gün bu gün geçdi ‘ömür ziyâna

6Bu yir altun taş gibi deprenmez kâ’im turur Bu gök üstün taş gibi gerek kim her dem döne

7Bir niçeler turmışlar dün-gün nevbet öñerler Bir niçeler göymezler öñürdürler rindâne

8Toza bulaşmış yatur yaşı yitmiş kocalar Nevbet irse yöñerür hem pîre hem cüvâne

9Ol degirmenün tucı hep ol götürür güci İşbu dünyâ son ucı fenâ olısar fenâ

10Ol sepet teknecügi sonı ölüm döşekdür Dâne tamâm olıcak gerek unun dükene

11Unluk sinündür senün sakın gûr ‘azâbından Mustafâ böyle didi inanursan Kur'ân'a

12Niçe bu temsîlleri söyleyesin yüriyüp Yûnus sen sa'y idegör derdün içün dermâna