Uş yine nazar oldı bu bizüm cânumuza Muhammed bünyâd urdı dîn ü îmânumuza

1Uş yine nazar oldı bu bizüm cânumuza Muhammed bünyâd urdı dîn ü îmânumuza

2Peygamberler serveri dîn diregi Muhammed Gör ne gevherler kodı bu bizüm kânumuza

3Gelün ‘amel idelüm elümüz irer iken Ecel irer ansuzın irgürmez sanumuza

4İy dirîgâ n'idelüm bizde ‘amel olmazsa Hışm idüp yapışalar bu kefen tonumuza

5Sorucılar geleler sorı hisâb soralar Karanu sin içinde otura yanumuza

6Ölüm Hak'dur bilürsin niçün gâfil olursın ‘Azrâîl kasd idiser günâhlu tenümüze

7Miskîn Yûnus bu sözi kendözinden eyitmez Hak Çalap viribidi sebagın dilümüze