‘Âşık oldum erene irmegile Hakk'ı buldum ben eri görmegile

1‘Âşık oldum erene irmegile Hakk'ı buldum ben eri görmegile

2Ere irdüm erde buldum maksûdum Bulımadum taşradan sormagıla

3Ne yire bakdumısa er oturur Gönlin aldum yüz yire sürmegile

4Hak'dan imiş cânlara cümle nasîb Olmazımış Ka‘be'ye varmagıla

5Ka‘be senün işigündür eyle bil Bulımadum yol çeküp varmagıla

6Beni gören bir pûla saymazıdı Şimdi gören gösterür barmagıla

7Bir gölidüm kıldı erenler nazar Deniz oldum dört yana ırmagıla

8Geldi ün Yûnus diyü turdum örü Gözüm açdum kulagum urmagıla