tarikat.org1Gönül nite dölene ma‘şûkın bulmayınca Kimse ‘âşık mı olur gönülsüz kalmayınca
2Gönüldür seven anı esîr eyleyen seni Kimi âzâd eylersin sen âzâd olmayınca
3Boynı zencîrlü geldük key katı esîr olduk Er nazar eylemedi hâlümüz bilmeyince
4Bir yanadan ararlar ayruk nesne sanurlar Bahâsın ne bilesin sen satun almayınca
5Bahâsı cânum anun mâlıla tavar degül Sevdük mi ele girür sevdükler virmeyince
6Câna niçe ‘âşıksın bu kayıddan geçmezsin Deryâdan ne alasın ırmakdan geçmeyince
7Dostı kanda bulasın sende durmagıla sen Ol ‘imâret eylemez sen vîrân olmayınca
8Sözi Yûnus'dan işit kibir kılma dut ögüt ‘İmâret olmayasın tâ harâb olmayınca