Benem zârî kılan şol yâre karşu Gönülden cân viren dildâre karşu

1Benem zârî kılan şol yâre karşu Gönülden cân viren dildâre karşu

2Giceler subha dek hayrân u mestem Oluban muntazır dîdâre karşu

3Seher-gâhın turup zârî kıluram Sanasın bülbülem gül-zâre karşu

4Alaldan cânumı ‘ışk-ı İlâhî Benem Mecnûn gibi âvâre karşu

5Cemâlün şem‘ine pervâne gibi Yakaram per ü bâli nâra karşu

6Anun ‘ışkı şarâbın nûş idelden İrişür yüregüme yâre karşu

7Bugün Mansûr benem ‘ışkun yolında Yüriyüp çarh uram şol dâre karşu

8Bî-çâre bülbülem dost bahçesinde Varam virem haber şol yâre karşu

9‘Âşık Yûnus bugün gurbetde kaldı Ki ‘ışkı söyledür dildâre karşu