İy bizümle yâr olup dosta giden gelsün berü Yok eyleyüp kendözin cân terk iden gelsün berü

1İy bizümle yâr olup dosta giden gelsün berü Yok eyleyüp kendözin cân terk iden gelsün berü

2Terk idelüm kâl ü kıylı isteyelüm togrı yolı Hem bulalum gevher kânın cevher alan gelsün berü

3Gevher bu cân maksûdıdur cân maksûdun Mansûr'ıdur Maksûd içün Mansûr'layın ber-dâr olan gelsün berü

4İrmek dilersen maksûda çok hizmet eyle her işde Sen senligünden usan nûr-ı dîdâr olan gelsün berü

5Pinhân idenler kendözin anlar görürler Hak yüzin Görmek dilersen Hak yüzin ikrâr iden gelsün berü

6Yûnus gel anlat hâlüni bildür nedür ahvâlüni Derde bırakdı cânını dermân iden gelsün berü