Mansûr-vâr oldum bugün ber-dâr iden gelsün berü İnni ene'l-lâh okudum inkâr iden gelsün berü

1Mansûr-vâr oldum bugün ber-dâr iden gelsün berü İnni ene'l-lâh okudum inkâr iden gelsün berü

2Kul küllün min İndi'l-lâh ansuz degülem v'allah Ben Hak'ıla Hak olmışam agyâr iden gelsün berü

3Levh ü kalemde yazılan tertîb-i tevhîd okuram ‘İlm-i ledün seyr ü sülûk güftâr iden gelsün berü

4Bir Tanrı'nun Peygamber'i ben andan aldum haberi Bir Tanrı vü Peygamber'e ikrâr iden gelsün berü

5Men ‘arefe nefsehu fekad ‘arefe Rabbehu Bildüm bunı buldum anı inkâr iden gelsün benü

6Münkir-münâfıklar beni öldürelüm dirlerimiş Beni yaradan öldürür yok-var iden gelsün berü

7Gelsün beni ol öldüren külümi göge savuran Ben Küntü kenz'em mahfî'yem izhâr iden gelsün berü

8Gâzî benem şehîd benem ölüben öldüren benem irte gice ol dostıla bâzâr iden gelsün berü

9Cümle cihân Gufrân'ıdur kamu ‘âlem hayrânıdur Yûnus anun hayrânıdur tekrâr iden gelsün berü