Severem ben seni cândan içerü Yolum ötmez bu erkândan içerü

1Severem ben seni cândan içerü Yolum ötmez bu erkândan içerü

2Nere varurısam gönlüm tolusın Seni kanda koyam bundan içerü

3Beni sorman bana bende degülem Sûretüm boş gezer tondan içerü

4Beni benden alana irmez elüm Kadem kim basa sultândan içerü

5Tecellîden nasîb irdi kimine Kiminün maksûdı bundan içerü

6Kime dokundısa ol dost nazarı Anun şu‘lesi var günden içerü

7Senün ‘ışkun beni bende alupdur Ne şîrîn derd bu dermândan içerü

8Şerî‘at-Tarîkat yoldur varana Hakîkat-Ma‘rifet andan içerü

9Süleymân kuş dili bilür didiler Süleymân var Süleymân'dan içerü

10Sülûk seyir iden ‘ışkun erine Niçe mezheb olur dînden içerü

11Dînin terk idenün küfürdür işi Bu ne küfürdür îmândan içerü

12O bir dilber durur hîç yok nişânı Nişân olur mı nişândan içerü

13Meger Yûnus gözi tuş oldı dosta Ki kaldı kapuda andan içerü