Şübhesiz hakka’l-yakîn seyrânda hayrândır dilim Ma‘nasın fehm etmeğe irfânda hayrândır dilim

1Şübhesiz hakka’l-yakîn seyrânda hayrândır dilim Ma‘nasın fehm etmeğe irfânda hayrândır dilim

2Vâhid ü Ferd ü Ahad’dan oldu nutkum âşikâr Şekkimiz yok Hak bilir Kur’ân’da hayrândır dilim

3Akl evinin sevgisin yakdı muhabbet âteşi Dergeh-i âlîdeki dîvânda hayrândır dilim

4Ârifâne söyledim fehm etdin ise hâlimi Zâtına mazhar düşen insânda hayrândır dilim

5Nutkumuz nûr-ı İlâhî şübhe yokdur zâhidâ Zât-ı Hakk’a ileden bürhânda hayrândır dilim

6Âşıkın ma‘şûk yüzünden dinle gör mi‘râcını Cânıma verir safâ handânda hayrândır dilim

7Sâfi aşkın remzini fâş eyleyen tevhîd-i zât Hâlık’ın nutkundaki ihsânda hayrândır dilim

8Kimse girmez araya ol söyledir âşıkları Dü cihânı geçmeğe perrânda hayrândır dilim

9Gördüğüm desem sana aklın senin etmez kabûl Kâl ü kıyl lâzım değil Sübhân’da hayrândır dilim

10Cân içinde cân ile buldu Vehâbî maksûdun Ehl-i derdiz şübhesiz dermânda hayrândır dilim