Zâhidâ dîzâr içün devrâna sen gelmez misin Zâtını zikr etmeğe seyrâna sen gelmez misin

1Zâhidâ dîzâr içün devrâna sen gelmez misin Zâtını zikr etmeğe seyrâna sen gelmez misin

2Nice bir ilme’l-yakînden kılasın ilm ü amel Bilmeğe genc-hâneyi irfâna sen gelmez misin

3Akl evinden taşra çıksan görünür ma‘şûk sana Ma‘nası budur bunun ummâna sen gelmez misin

4Âşıkam hem sâdıkam hakka’l-yakîndendir bu söz Yanuban yakılmağa külhâna sen gelmez misin

5Fâtiha’nın sırrını günden ayân etdim sana Aşk dilinden okunan ezâna sen gelmez misin

6Dü cihânın varlığın bir pûla almaz ehl olan Nûr-ı Hakk’ı görmeğe bürhâna sen gelmez misin

7Aşk-ı sâfî sırrının ahvâlidir şerh etdiğim Ey birâder cân içün sultâna sen gelmez misin

8Dört kitâbın ma‘nasından rûhuna budur cevâb Cân gözüyle görünen ayâna sen gelmez misin

9Vâhib Ümmî söyledi ma‘nâda boş yer kalmadı Ma’rifet bağındaki handâna sen gelmez misin

10Dilimin şerh etdiği ma‘nâ-yı mutlakdır bu söz Kokusu Hak’dan gelen reyhâna sen gelmez misin

11Vâsıl-ı Hak olmayan fehm eylemez der nefsini Dost cemâl-i vechine ihsâna sen gelmez misin

12Vâhib Ümmî aybını ma‘zûr buyur ayb olmasın Ma‘rifet bağındaki handâna sen gelmez misin