Hamdülillâh çok şükür Kur’ân’a düşmüşdür bu cân Âlim-i Rabbâni’dir irfâna düşmüşdür bu cân

1Hamdülillâh çok şükür Kur’ân’a düşmüşdür bu cân Âlim-i Rabbâni’dir irfâna düşmüşdür bu cân

2Bir aceb sırdır desem ma‘nâsı gelmez dile hiç Haddi yok pâyânı yok ummâna düşmüşdür bu cân

3“Kâbe kavseyn”in makâmından sorun bu tevhidi62 Dergeh-i a‘lâdaki erkâna düşmüşdür bu cân

4Bî-nişân ü lâ-mekândan âşıka budur nişân Mustafâ zâtındaki seyrâna düşmüşdür bu cân

5Ehl olan kâlimden anlar rûhumun mi‘râcını Kokusu Hak’dan gelen reyhâna düşmüşdür bu cân

6Mürşidim Ahmed yüzünden bildiğim budur benim Âlem-i ma‘nâdaki Rahmân’a düşmüşdür bu cân

7Vâhibî çekdi elin sîm ü murâd-ı gayrıdan İnşâallah şübhesiz îmâna düşmüşdür bu cân