Şeyh Emîn b. Sırrî Eşrefî

Hayatı ve Eşrefiyye içindeki yeri

Sırrî Efendi’nin dâmâdıdır. Otuzdokuz sene post-ı pîrâ-yı meşîhat oldular. Mübârek
bir zât imiş. Cenâb-ı Hak rahmet eylesin. 1261/(1845)’de rahmet-i Rahmân’a kavuşup,
cesed-i lâtîfi civâr-ı Hazret’de hıfz edilmiştir.

Emîn Efendi’nin zamân-ı meşîhatinde, 1238/(1823) senesi, Tophâne harîk-ı
kebîrinde, hânkâh muhterik oldu. Sultân Mahmûd-ı sânî, yeniden inşâsına âsâr-ı himmet
gösterip, şâir Safvet Efendi merhûmun söylediği târîh ber-vech-i âtîdir:

Mazhar-ı adl ü muîn-i zuafâ Hân Mahmûd Dâimâ itmekdedir celb-i kulûb-ı agâh

Keşf idüp kıldı nice câmi'vü tekye ma’mûr Milket-i zâhir ü bâtında odur şâhen-şâh

Kâdirî-hâne’yi de gül gibi itdi bünyâd Dil-i bülbül gibi itmiş idi ihrâk-ı tebâh

Şeyh u dervîşine “devrân sizin” dinse sezâ Çarh-ı vâlâya nazîr oldu bu âlî dergâh

Yazdı Safvet biri mu’cem iki târîh-i güher Hazret-i mürşid-i Rûmî’den olup himmet-hâh

Yapdı bu hânkahı kutb-ı cihân Şeh Mahmûd
Kâdirî-hâne yapıldı ne güzel eyva’llâh
(.‫ياﭘدى بو خانقهى قطب جهان شه محمود‬
‫= )قادريخانه ياﭘلدى نه كوزل ايو ﷲ‬1239/ (l824)