Bârekellâh gülistân-ı bülbülândır Aspozi,

1Bârekellâh gülistân-ı bülbülândır Aspozi,

2Cenneti tezkir eder âli mekândır Aspozi.

3Mu’tedil âb u hevâ hem müctemi’ envâ-i zevk,

4Mecma-i bezm -i saâ -i ârifândır Aspozi.

5Âb-ı hayvânı beğenmez hasletindendir Mesih,

6Aktığınca sanki bir rûh-i revândır Aspozi.

7Câme-i hadrâsın eyyâm-ı rebi’de kim giyer,

8Şüphesiz menzilgehi Hızr-ı zamândır Aspozi.

9Her taraf pür mive-i şirin leb-i dilber misâl,

10Yeşil atlasla donanmış nev-civândır Aspozi.

11Bî-midâd elması üzre nakş olur ebyât-ı sürh,

12Lâ cerem sun-ı Hüdâ’yâ bir beyândır Aspozi.

13Ol sebebden ehli pür akl u zekâ vü ma’rifet,

14Mahzen-i ehl-i ulûm-u kâmilândır Aspozi.

15"Cennat-in min tahti-hel enhâr-u tecrî" dense hûb,

16"Hâzihi cennât-i adn-in" den nişândır Aspozi.

17Ey Niyâzî ger dokunmasaydı hiç bâd-ı fenâ,

18Kim demezdi ana firdevs-i cinândır Aspozi.