Ey gönül gûş eyle gel âşıkların güftârını,

1Ey gönül gûş eyle gel âşıkların güftârını,

2Nicedir gör dost ile yânıkların bazârını.

3Dost belâsı sehmine üryân edüp sinelerin,

4Sonra ol yârelerin istediler dermânını.

5Derdini, dermân verüptir yine ol yârelerin,

6Anın içün arttırır âşıkların efgânını.

7Aşk odu şöyle yakuptur cism u cânın anların,

8Kül edip savurdular cümle vücûd harmânını.

9Vasl-ı Hakk’ı isteyen cân u cihânı terk edip,

10Aşk meydânında ol dikti anın dârını.

11Sâki-i bezm-i elest peymânesin içenleri,

12Gör ki nice keşfederler sırr-ı Hakk astârını.

13Bi-nişânın menzilin Kâf-ı âdemden izleyip,

14Ey Niyâzî böyle bulmuş bulan ol cânânını.