Sensin bize bizden yakın görünmezsin hicâb nedür Çün ‘aybı yok görklü yüzün üzerinde nikâb nedür

1Sensin bize bizden yakın görünmezsin hicâb nedür Çün ‘aybı yok görklü yüzün üzerinde nikâb nedür

2Sen eyitdün iy pâdişâh Yehdi'l-lâhu limen yeşâ Şerîkün yok senin i şâh suçlu kimdür ‘azâb nedür

3Levh üzere kimdür yazan azduran kimdür yâ azan Bu işleri kimdür düzen bu su'âle cevâb nedür

4Rahîm durur senün adun Rahîm'lıgun bize didün Mürşidlerün muştıladı Lâ taknetu hitâb nedür

5Bu işleri sen bilürsin sen virürsin sen alursın Ne kim dilersen kılursın yâ bu soru hisâb nedür

6Biz umaruz mürvetünden cümle iş senün katundan Senün o çok rahmetünden bu bir avuç türâb nedür

7Kün'i bir kezin söyledün her nesneyi var eyledün Yine âhir bir söz ile anı kılmak harâb nedür

8Kanı bu mülkün sultânı pes ten isen kanı cânı Bu göz görmek diler anı bu merci' ü me'âb nedür

9Yûnus bu göz anı görmez görenler hod haber virmez Bu menzile ‘akıl irmez bu kodugun serâb nedür