Yâr yüregüm yâr gör ki neler var Bu halk içinde bize güler var

1Yâr yüregüm yâr gör ki neler var Bu halk içinde bize güler var

2Ko gülen gülsün hak bizüm olsun Gâfil ne bilür Hakk'ı sever var

3Bu yol uzakdur menzili çokdur Geçidi yokdur derin sular var

4Girdük bu yola ‘ışkıla bile Gurbetlik ile bizi salar var

5Her kim merdâne gelsün meydâna Kalmasun câna kimde hüner var

6Gözleri giryân cigeri püryân Olmışlar hayrân dîvâneler var

7Yûnus sen bunda meydân isteme Meydân içinde merdâneler var