Tanrı'yiçün cânum cânı cefâyısa tapdur yiter Senün firâkundan beter ‘azâb dahı var mı beter

1Tanrı'yiçün cânum cânı cefâyısa tapdur yiter Senün firâkundan beter ‘azâb dahı var mı beter

2‘Işkun odı yüregümde yandugına ‘âlem tanuk Kanda bir od yanarısa nişânı var dütün tüter

3‘Işkun çeri saldı benüm gönlüm evi iklîmine Cânumı esîr eyledün n'ider bana yagı Tatar

4Ecel salam iklîmlere vasyet kılam ‘âşıklara Ma'şûkadan diyem sakın oynar ‘âşık gönlin atar

5‘Aceb bu benüm derdüme neyiçün dermân bulınmaz Kim bulısar dermân ana kişiyi kim beri dutar

6Resmi durur sultânlarun kullar günâh eyleyicek Yâ edebler ol kulını yâ mezâda virür satar

7Yûnus şikâyet eyleme yârdan cefâ gördüm diyü Cümle ‘âşıklar hâceti ma'şûkı katında biter