Allah diyelüm dâim Allah görelüm n'eyler Yolda turalum kâ'im Allah görelüm n'eyler

1Allah diyelüm dâim Allah görelüm n'eyler Yolda turalum kâ'im Allah görelüm n'eyler

2Allah diyü kıl zârı Oldur kamunun varı Andan umalum yarı Allah görelüm n'eyler

3Çıkarmayalum dilden Ayrılmayalum yârdan Irılmayalum yoldan Allah görelüm n'eyler

4Açlık sonı toklıkdur Toklık sonı yoklıkdur Bu yollar korkulıkdur Allah görelüm n'eyler

5Sen sanmadugun yirde Nâgâh açıla perde Dermân irişe derde Allah görelüm n'eyler

6Gündüz olalum sâ'im Gice olalum kâ'im Allah diyelüm dâim Allah görelüm n'eyler

7Adı sanı dillerde Sevgüsi gönüllerde Şol korkulu yollarda Allah görelüm n'eyler

8Adı sanı uşatdum Küfrümi suya atdum Miskînlige el katdum Allah görelüm n'eyler

9Her dem talalum bahre Aldanmayalum dehre Sabreyleyelüm kahra Allah görelüm n'eyler

10‘Âr-nâmusı bırakdum Külümi suya atdum Dervîşlige el katdum Allah görelüm n'eyler

11Mecnûn gibi âvâre 'Âşık oluban yâre Di Yûnus sen bî-çâre Allah görelüm n'eyler

12Yûnus sen anı sanma Bu ‘ışk sana sendendür Cân kamuya andandur Allah görelüm n'eyler

13N'itdi bu Yûnus n'itdi Bir togrı yola gitdi Pîrler etegin tutdı Allah görelüm n'eyler