Dost senün ‘ışkun okı key katı taşdan geçer ‘Işkuna düşen ‘âşık cânıla başdan geçer

1Dost senün ‘ışkun okı key katı taşdan geçer ‘Işkuna düşen ‘âşık cânıla başdan geçer

2‘Işkuna düşenlerün yüregi yanar olur Kendüyi sana viren dükeli işden geçer

3Dün ü güni zâr olur ‘ışkunıla yâr olur Endîşesi sen olan cümle teşvîşden geçer

4‘Âriflere bu dünyâ hayâl ü düş gibidür Kendüyi sana viren hayâl ü düşden geçer

5Dünyânun mahabbeti agulu aşa benzer Âhirin sanan kişi agulu aşdan geçer

6Başında aklı olan âhrete ‘amel itmez Hûrîlere aldanmaz gözile kaşdan geçer

7Girçek âşık ol ola cân virmege ol ive Dostıla bâzâr içün niçe bin başdan geçer

8Yûnus'un gönli gözi toludur Hak sevgüsi Sohbet ihtiyâr iden yâd u bilişden geçer