Bu dünyâya gönül viren sonucı pişmân olısar Dünyâ benüm didükleri hep ana düşmân olısar

1Bu dünyâya gönül viren sonucı pişmân olısar Dünyâ benüm didükleri hep ana düşmân olısar

2İy dostını düşmân dutan gaybet yalan söz söyleme Bunda gammâzlık eyleyen anda yiri tar olısar

3Çünki olısar yiri tar kazançlu kazancı kadar Mü'minlere geldi haber ‘âşıklar dîdâr göriser

4Maksûdumuz dîdârıdı şeyhümüz girçek er idi Evvel dahı ol varıdı âhir dahı var olısar

5Oldur âhir oldur ebed hem dillerde Küfven ahad Evliyâ geçdi dünyâdan bir sâ‘at kime kalısar

6Alun evliyânun elin togrı varun Hakk'un yolın Ma'nî budur bellü bilün bildüm diyen bilmeyiser

7Yûnus imdi bildüm dime miskînlige elden koma Kimde miskînlik varısa Hak dîdârın ol göriser