Evliyâ'ya münkirler Hak yolına ‘âsîdür Ol yola ‘âsî olan gönüllerün pâsıdur

1Evliyâ'ya münkirler Hak yolına ‘âsîdür Ol yola ‘âsî olan gönüllerün pâsıdur

2Tartduk bu ‘ışk cefâsın tâ irince ma'şûka Zirâ ki ol dost benüm derdümün devâsıdur

3Henüz bu yir olmadın gökler yaradılmadın Evliyâlar vatanı pâdişâh kal'asıdur

4Mevlânâ Hudâvendgâr bize nazar kılalı Anun görklü nazarı gönlümüz aynâsıdur

5Miskîn ol yâre miskîn gide senden kibr ü kîn Rûzigâr gelür geçer pes kime kalasıdur

6Geyiklü'nün ol Hasan söz eyitmiş kendüden Kudret dilidür söyler kendünün söz nesidür

7Okıyuban yazmadın yanıluban azmadın Yûnus bu ‘ışk sözini kim bildi bilesidür