tarikat.org1Nâgâh yagmâ eyledi ‘ışk odı cânumuzı Hîç kimse nitelikden virmez nişânumuzı
2Ne îmâna bakdurur ne hod dîne tapdurur ‘Işk odı şöyle dutdı yıkdı dükkânumuzı
3Virdi birlikden şarâb kılduk dükkânı harâb Cümlesini terk itdük assı-ziyânumuzı
4Niçe nişân vireler kangı yoldan soralar Kamusın elden koduk dîn ü îmânumuzı
5Ne assı var ne ziyân gelsün cânuna kıyan Cümlesinden geçüben bulduk Sultânumuzı
6Birlikdedür varumuz biz bir olduk kamumuz İkilik söylemege komaz lisânumuzı
7Yüz bin lisân çün geldi yüz bin cân yolda kaldı Yüz bin gözler görmeye bizüm cevlânumuzı
8Bilelikden cânumuz hîç kalmadı gamumuz Sâfî kendüden açar ma‘den ü kânumuzı
9Gel gör imdi bu kândan ne biter bu ma‘denden Ayrılmazuz birlikden bulduk mekânumuzı
10Gözler nite göriser kimse nite iriser İki cihândan öte kurduk sayvanumuzı
11Yûnus imdi yavu var birlikden durur ikrâr Hîç kimesne bu milkden virmez nişânumuz