Eşkere kıldum bugün pinhânumı Cân virüben buldum ol cânânumı

1Eşkere kıldum bugün pinhânumı Cân virüben buldum ol cânânumı

2Cân gönül hayrân kalupdur ma'şûka Ma‘şûkıla sürerem devrânumı

3Derd gerekdür derd gerekdür derd gerek Kim gerek derde virem dermânumı

4Bî-mekânam anun içün dünyede Kimsene bilmez benüm mekânumı

5Kânı buldum n'iderem ben ayrugı Yagmâya virdüm bugün dükkânumı

6Top benem çevgânı aldum çalaram Kim ala bu topdan meydânumı

7Yir benümdür gök benümdür ‘Arş benüm Gör niçesi germişem sayvânumı

8Yûnus oldıysa adum pes ne ‘aceb Okuyalar defter ü dîvânumı