Geldi geçdi ‘ömrüm benüm şol yil esüp geçmiş gibi Hele bana şöyle gele şol göz açup yummış gibi

1Geldi geçdi ‘ömrüm benüm şol yil esüp geçmiş gibi Hele bana şöyle gele şol göz açup yummış gibi

2İşbu söze Hak tanukdur bu cân gevdeye konukdur Bir gün ola çıka gide kafesden kuş uçmış gibi

3Miskîn Âdem oglanını benzetmişler ekinciye Kimi biter kimi yiter yire tohum saçmış gibi

4Bu dünyede bir nesneye yanar içüm göyner özüm Yigid iken ölenlere gök ekini biçmiş gibi

5Bir hastaya vardunısa bir içim su virdünise Yarın anda karşu gele Hak şarâbın içmiş gibi

6Bir miskîni gördünise bir eskice virdünise Yarın anda sana gele Hak şarâbın içmiş gibi

7Yûnus Emre bu dünyâda iki kişi kalur dirler Meger Hızır-İlyâs ola Âb-ı Hayât içmiş gibi