Toldur kadeh sungıl bize ‘ışk şarâbından iy sâkî Ol badyadan gerek bize andan içe şeyh ü fakî

1Toldur kadeh sungıl bize ‘ışk şarâbından iy sâkî Ol badyadan gerek bize andan içe şeyh ü fakî

2Sohbetümüz ilâhîdür sözümüz kevser âbıdur Şâhumuz şâhlar şâhıdur çalgumuzdur dost firâkı

3Kim ki bir dem sohbet ola müftî müderris mât ola Bir İlâhî devlet ola andan içen oldı bâkî

4Hırka vü takye yol virmez ferecile ‘âlim olmaz Dîn diyânet olmayıcak n'eylersün bunca varakı

5Okıdun yidi mushafı tâ‘at gösterürsün sâfî Çünki ‘amel eylemedün gerekse var yüz bin okı

6Bin kez hacca vardunısa bin kez gazâ kıldunısa Bir kez gönül sıdunısa gerekse yüz yıl yol dokı

7Gönül mi yig Ka‘be mi yig eyit bana ‘aklı iren Gönül yigdür zîrâ ki Hak gönülde tutar turakı

8Konşıyıla gönülleri ısmarladı Hak Resûl'e Mi‘râc gicesi dostıla bu keleci oldı dakı

9Yûnus senün işün budur dutgıl ulular etegin Dilerisen pâk olasın gönüllerde olgıl bâkî