Ma‘şûkumı isteyü iş bu cihân içinde Delim teferrüc kıldum zemîn ü âsmân içinde

1Ma‘şûkumı isteyü iş bu cihân içinde Delim teferrüc kıldum zemîn ü âsmân içinde

2Gezdüm cümle ‘âlemi ‘Arş u Levh ü Kalem'i ‘İlm-i kitâbı dahı delîl beyân içinde

3Çok cehd idüp istedüm yir ü gögi aradum Hîç mekânda bulmadum buldum insân içinde

4Girdüm vücûd bahrine taldum anun ka‘rına ‘Işkıla seyr iderken iz buldum cân içinde

5Ol izi hoş izledüm sagum solum gözledüm ‘Acâyiblere irdüm yokdur cihân içinde

6Nâ-gehân gördüm bir yüz yokdur anunla hîç söz Sırrın dirisem olmaz sıgmaz lisân içinde

7Çünki gördüm yüzini ana virdüm özümi Beni benden iletdi kaldum hayrân içinde

8Yûnus Emre yok oldı küllî varı yok oldı Andan artuk nesne yok kalman gümân içinde