Dirligüm neyidügin eydeyin kıldan kıla Irak yakın işide hâs u ‘âm cümle bile

1Dirligüm neyidügin eydeyin kıldan kıla Irak yakın işide hâs u ‘âm cümle bile

2Hâs u ‘âm mutî ‘âsî dost kulıdur cümlesi Kullar yol varmayınca şâha kim varıbile

3Dosta gidenün yolı gönül içinden geçer Bir ‘âmel eylemedüm gireyidüm gönüle

4Dosta giden kişiler unıdur kendözini Ben nereye varursam beni ileden bile

5Senlik-benlik olıcak iş ikilikde kalur İkilik dutan kişi niçe birike birle

6Bundan böyle dostıla bilmezem n'olasını Şimdiye degin ‘ömrüm geçmiş yok sevdâyıla

7Bu kıssam uzun durur niçe dükedi bilem Kangı bir eksükligüm getüribilem dile

8Yitmiş iki milletün ayagın öpmek gerek Yaramagçün ma‘şûka cümle millete bile

9‘Âşık mıyıdı Yûnus vuslat bulaydı bugün ‘Âşık karâr mı ider yarınki va‘deyile