İçümde bir dert oldı diyeyin dervîşlere Dervîşlerün kademi kutludur her işlere

1İçümde bir dert oldı diyeyin dervîşlere Dervîşlerün kademi kutludur her işlere

2Her kimün ki derdi var dermân isteyü gider Benüm dermânum sensin bagrumdagı başlara

3‘Işkdan sebak alursın hem key katı bilürsin Nite revâ görürsin hizmeti dervîşlere

4‘Işkunun cefâsından dünin günin aglaram Akan bunar ne misâl gözden inen yaşlara

5Câna tuzak kuralum şâyed ‘ışk ele gire ‘Işkı niçe avlarlar soralum tutmışlara

6Şöyle hevâî gelür duzak ilmin kim bilür Niçe duzak kuralım bu konmaduk kuşlara

7Yûnus gönlün alanı sen kime söyleyesin Sorarısan sor imdi sen anı bulmışlara