‘Işk odı düşdi cânuma yakup beni yandurmaga Yidi deniz suyı yitmez susalıgum kandurmaga

1‘Işk odı düşdi cânuma yakup beni yandurmaga Yidi deniz suyı yitmez susalıgum kandurmaga

2Yidi deniz suyı n'ider susamış ‘âşık cânına Şeyhüm yüzi gerek bana gördükde baş indürmege

3Şeyhüm görem baş indürem el kavşuram karşu turam Kendümi direm divşürem dost iline göndermege

4Dost urdı yürege yare yaram onulmaz ne çâre Şu gönlüm düşdügi yire elüm irmez döndürmege

5Döndürür erün nefesi iricegiz Tanrı hâsı Siler gönüllerden pâsı yirine nûr toldurmaga

6Hem elüm alup kaldurur şâd idübeni güldürür Gönlüme rahmet toldurur eri Hak'ı bildürmege

7Yûnus ko yalan da‘vîyi gel arıta ko sivâyı Gönlün evüni kız eyle dost gelicek kondurmaga