tarikat.org1İy kopuzıla çeşte aslun nedür ne işde Sana su'âl soraram eydivir bana üşde
2Eydür ki aslum agaç koyın kirişi bir kaç Gel ‘işretüm dinle geç ‘aklı koma beleşde
3Eydürler bana harâm ben ugrulık degülem Çünki aslum mismildür ne varımış kirişde
4Bana kiriş didiler ‘ışka giriş didiler Benüm adum ‘ışk virdi ben durmazam kolmaşda
5Şâdılıgıla geldüm iş bu ‘âleme toldum Mürvetlere düzüldüm kodılar iş bu düşde
6Agaç deri dirildi kirişile bir oldı ‘Işk denizine taldı bahâne yok bu işde
7Mevlânâ sohbetinde sâzıla işret oldı ‘Ârif ma‘nîye taldı çün biledür ferişde
8Ferişteyi anmakdan bilesin murâd nedür Gice gündüz biledür senünile her işde
9Ol ferişteler adı Kirâmen Kâtibîn'dür Yazmakdan usanmazlar armazlar yaz u kışda
10Birisi sag omzunda birisi sol omzunda Birisi hayrun yazar birisi şer cünbişde
11Kâgıdları dükenmez ne hod mürekkebleri Aşınmaz kalemleri kâ’imlerdür ol işde
12Hem meyhâneye varur hem büt-hâneye girür Bunlar saklarlar seni sen gâfilsin bu işde
13Yûnus imdi Sübhân'ı vasf eylegil gönülde Ayru degül ‘ârifden bu kopuzıla çeşde