Bir söz diyeyin sana dinle cânun varısa Hiç tama‘ eylemegil ‘aklun sana yarısa

1Bir söz diyeyin sana dinle cânun varısa Hiç tama‘ eylemegil ‘aklun sana yarısa

2Yavuzluk eylemegil la‘net işitmeyesin Senden sonra söylene key eylügün varısa

3Yavuzlukdan kem bitdi yâ eylükden kim yitdi Eylük Hakk'a yaraşur sende ikrâr varısa

4İkrâr erün yarıdur varsa Uçmak yiridür Bâhil uçmak görmeye yüz bin gözi varısa

5Ma‘nîde getürmişler kardaşdan yâr yigrekdür Oguldan dahı tatlu eger togrı yârısa

6Yârün sana mukâbil tapusında sücûd kıl Çıkar cigerün yidür eger çâren varısa

7Gördün yârün egridür nen varısa vir kogıl Ululardan meseldür işitdügün varısa

8Etmek yiyüp tuz basmak ol nâ-merdler işidür Etmek anı komaya tuzun hakkı varısa

9Çok söz hayvân yükidür az söz erün görkidür Bilene bir söz yiter cânda gevher varısa

10Yûnus miskîn delüdür hem sözinden bellüdür ‘Ayıblaman yârenler eksüklügi varısa