Ayurma beni senden yaradan Düşüp ölürüm ben bu yaradan

1Ayurma beni senden yaradan Düşüp ölürüm ben bu yaradan

2Öldügüm içün gussa mı yirem Ala cânumı yine yaradan

3Öldi diyeler kaydum yiyeler Bir kuş oluban çıkam aradan

4Aglama direm şol gözlerüme Kan yaş akıdur ag u karadan

5Yirler mi kodum göl eylemedük Siller akıtdum her bir dereden

6Ben bir kulıdum sen sultânıdun Düşdüm araya bilmem nereden

7Varam kul olam şeyh işigine ‘Abâ dikinem yüz bin pâreden

8Emrem Yûnus'un murâdı budur İre yârine çıka aradan