YÛNUS EMRE DÎVÂNI · 282

İlâhî derdümün dermânı sensin Günâhkâr kullarun gufrânı sensin

Metin ve neşir kaydı

Düzeltilmiş okuma

Ayrı bir düzeltilmiş okuma kaydı henüz yok. Gösterilen kaynak aktarımı onaylanmış düzeltme değildir.

1İlâhî derdümün dermânı sensin Günâhkâr kullarun gufrânı sensin

2Senün emrün ile döner felekler Hem ayun güneşün devrânı sensin

3Halîl'ün hullesi Ya‘kûb'un âhı Yûsuf'un bend ile-zindânı sensin

4Mûsâ'nun münâcâtı Tûr Tagı'nda ‘Îsâ'nun göklerde seyrânı sensin

5Gözümün nûrı vü gevdem hayâtı Gönüller tahtınun sultânı sensin

6Yûnus Emrem sebakı senden okur Elinde defteri dîvânı sensin