Ben seni sevdügümi işitsünler hâs u ‘âm Söyleşenler söyleşsün sensüz dirligüm harâm

1Ben seni sevdügümi işitsünler hâs u ‘âm Söyleşenler söyleşsün sensüz dirligüm harâm

2Kim senün lezzetünden cânı dad almazısa Yürür bir cânsuz sûret ‘âlem halinden bî-gam

3Ben bu dem seni gördüm niçesi sabr eyleyem Seni bir dem görmege müştâkdur cümle ‘âlem

4Seni seven kişiye ne hâcet Hûr u Kusûr Seni sevmeyen câna Tamu'dur cümle makâm

5İki cihân varlıgı ger benüm olurısa Sensüz bana gerekmez iş senünledür tamâm

6Bin yıl ‘ömrüm varısa harc idem bu kapuda Gerçek ben ‘âşıkısam gerek bu yolda ölem

7Bana sen geregisen n'iderem kendözümi Ger ben sen oldumısa ben beni yavu kılam

8‘Âlemlerün arzûsı seni bulmagiçündür Ben seni bulmışiken sensüzin nite olam

9Çok sorarlar Yûnus'a niçe ‘ışk esrükligi N'itsün ezel bezminde öyle çalındı kalem