tarikat.org1Evvel kadîm önden sona zevâli yok sultân benem Yidi iklîme hükm idüp yiri gögi dutan benem
2Ben bu yiri yaradıcak yir üstine gök turıcak Ulu deniz mevc urıcak Nûh'a tûfân viren benem
3Kün didüm bu yire turdı gökler dahı karâr kıldı Yüz bin dürlü âdem geldi getürüp gideren benem
4Yûsuf ile çâha inen terâzûya altûn vuran Keffesine basaduran Mısır ıssı sultân benem
5Sofîyılan sofî olan sûfîyile sâfî olan Bel baglayup tâ‘at kılan o Kerîm ü Rahmân benem
6Kâf'dan Kâf'a hükm eyleyen dîvleri hükmine koyan Yile binüp seyrân kılan bu mülke Süleymân benem
7Et ü deri endâm çatan ‘âlemlere gönül katan Âdem tonın tonanuban mülke kadem basan benem
8Sekiz Uçmak ‘âşıklara köşk ü sarâydur anlara Mûsâ'layın Tûr Tagı'nda hayrân olup kalan benem
9Ben ‘âbidem ben ma'bûdam kamu yirlerde hâzıram Zâlimlerden dâd alıcı miskînleri dutan benem
10Tapduk diyem cümle dile inanmışam degme kula Yûnus dahı hod kim ola bu sözleri diyen benem