Benüm bunda karârum yok ben bunda gitmege geldüm Bezirgânam metâ‘um çok alana satmaga geldüm

1Benüm bunda karârum yok ben bunda gitmege geldüm Bezirgânam metâ‘um çok alana satmaga geldüm

2Ben gelmedüm da'vîyiçün benüm işüm seviyiçün Dostun evi gönüllerdür gönüller yapmaga geldüm

3Dost esrigi deliligüm ‘âşıklar bilür neligüm Degşürüben ikiligüm birlige yitmege geldüm

4Ol hâcemdür ben kulıyam dost bâgçesi bülbüliyem Ol hâcemün bâgçesinde şâd olup ötmege geldüm

5Bunda bilişmeyen cânlar anda bilişimez anlar Bunda bilişüp dostıla hâlüm ‘arz itmege geldüm

6Yûnus Emre ‘âşık olmış ma'şûka derdinden ölmiş Girçek erün kapusında hâlüm ‘arz itmege geldüm