tarikat.org1İy yârânlar iy kardaşlar sorun bana kandayıdum ‘Işk denizine taluban deryâ-yı ‘ummândayıdum
2Yire bünyâd urulmadın yir-gök melâik tolmadın Levh ü kalem çalınmadın mülk-i yaradandayıdum
3Ol kim beni bekleridi her kandasam saklarıdı ‘Işk urganı ucındagı kandîldagı cândayıdum
4Kaygu eli irmezidi gussa gözi görmezidi Endîşe şehrinden taşra bir ulu mekândayıdum
5Bu işlerde olan kişi terk itsün cümle teşvîşi İçerüden içerü bir key latîf nihândayıdum
6Benüm gibi bu cihâna yüz bin gelürse az ola Benüm gelişüm şimdidür üstâdda Kur'ân'dayıdum
7Dört kitâbı okumadın ayırup seçmek olmadın Ezberledüm sebakumı bu ‘ışkı hânendeyidüm
8Pâdişâhdan destûr oldı bizi bunda mülke saldı İki cihân Uçmak oldı Uçmak'da Rıdvân'dayıdum
9Yılduzıdum bunca zamân gökde melâik arzûmân Cebbâr-ı ‘âlem hükm ider ben ol zamân andayıdum
10Toksan bin Hak kelâmını söyleşicek Habîb'ile Otuz bini sırr olıcak ben ol sır olandayıdum
11Ben bu sûretden ilerü adum Yûnus degül iken Ben olıdum ol ben idüm bu ‘ışkı sunandayıdum