tarikat.org1İy yârânlar iy kardaşlar sorun bana kandayıdum Dinlersenüz eydivirem ezelî vatandayıdum
2Ezelîden dilümde uş Tanrı birdür Hak'dur Resûl Bunı böyle bilmeziken bir ‘aceb makâmdayıdum
3Kalû belâ söylenmedin tertîb düzen eylenmedin Hak'dan ayru degülidüm ol ulu dîvândayıdum
4Yire bünyâd urulmadın Âdem dünyâya gelmedin Öküz balık eylenmedin ben ezelî andayıdum
5Eyyûb'ıla derde esîr iniledüm çekdüm cezâ Belkîs'ıla taht üzere mühr-i Süleymân'dayıdum
6Yûnus'ıla balık beni çekdi deme yutdı bile Zekeriyyâ'yıla kaçdum Nûh'ıla tûfândayıdum
7‘Asâyıla Mûsâ'yıla kaçdum çıkdum Tûr Tagı'na İbrâhîm'ile Mekke'ye bünyâd bıragandayıdum
8İsmâ'île çaldum bıçak bıçak ana kâr itmedi Hak beni âzâd eyledi koçıla kurbândayıdum
9Yûsuf'ıla ben kuyıda yatdum bile çekdüm cezâ Ya'kûb'ıla çok agladum bulınca figândayıdum
10Mi'râc gicesi Ahmed'ün dönderdüm ‘Arş'da na'linin Üveys'ile urdum tâcı Mansûr'ıla urgandayıdum
11‘Alî'yile urdum kılıç Ömer'ile ‘adl eyledüm On sekiz yıl Kâf Tagında Hamza'yla meydândayıdum
12Yûnus senün ‘âşık cânun ezelî ‘âşıklarıla Ol Allah'un dergâhında seyrân u cevlândayıdum