Ne söz keleci dirisem dilüm seni söyleyicek Kanda yürürsem yürürem senden yana kaçar dilek

1Ne söz keleci dirisem dilüm seni söyleyicek Kanda yürürsem yürürem senden yana kaçar dilek

2Hakdur seni sevmezlere cânsuz sûretdür dirisem Anuniçün cânlulara senün gibi ma‘şûk gerek

3Söyledün cümle ‘âleme henüz nikâb içindesin Bir dem perdesüz yürisen iki cihân olur helâk

4Dîv ü perî ins ü melek sever seni her mahlûkât Hayrân olup ileyünde turmış durur hûr u melek

5Nûşdur senün elünile zehr-i kâtil içerisem Bilmezem ne ma‘nîsi var ol olur cânuma tiryâk

6Ger şehd ü şeker yirisem sensüz agudur cânuma Çün cânumun sensin dadı kanda bulam senden yigrek

7Yüz bin eger cevr ü cefâ ugrarısa sûretüme Hiç eksilmez şâdılıgum cümle diler seni sevmek

8Ne var eger Yûnus dahı ‘ışk içinde zerreyise ‘Işk odıyla kâyım durur yirile gök çarh-ı felek