tarikat.org1N'iderüz dirlik suyın biz cânı yagmâya virdük Cevherleri sarrâflara ma‘deni yagmâya virdük
2Bizüm il bâzirgânı hîç assı gözetmedi Çün assı bizüm degül ziyânı yagmâya virdük
3Bu yolun ‘ârifleri geçürmezler meta‘ı Biz hod ‘uryân giderüz dükkânı yagmâya virdük
4Bizüm bâzârumuzda yokluk alur müşteri Çün iş böyle harîdâr varını yagmâya virdük
5Dîn ü millet bâzârın yagmâladı sen ü ben Çıkduk iki aradan sen-beni yagmâya virdük
6Küfrile îmân sözi hicâb oldı bu yolda Safâlaşduk küfrile îmânı yagmâya virdük
7Zühdile çok istedük hîç müyesser olmadı Terk idüben küllîsin gümânı yagmâya virdük
8Yüz bin yıllık ‘ömr olsa bir kuşlıkça degüldür Geçdük bitmez sagışdan zamânı yagmâya virdük
9Pâyânlu devr-i zamân çok egledi Yûnus'ı Pâyânsuz devre irdi devrânı yagmâya virdük