tarikat.org1Gel iy gözüm agla gülmezem ayruk Cânum dosta gider gelmezem ayruk
2Ne gam bu dünyede bir kez ölürsem Anda ölüm olmaz ölmezem ayruk
3Varlıgum yokluga degşürmişem ben Bugün câna başa kalmazam ayruk
4Mahabbet bahrinün gavvâsı oldum Gerekmez Ceyhûn'a talmazam ayruk
5Yanmışam ‘ışkuna tâ kül olınca Boyandum rengüne solmazam ayruk
6Ko beni yatayın dost işiginde Yiter bir el dahı almazam ayruk
7Yansun cânum yansun ‘ışkun odına Aksun yaşum aksun silmezem ayruk
8Ko beni yanayın göynüklerümle Kaçan ‘âşık olsam ölmezem ayruk
9Dilerem fazlundan ayurmayasın Hocam senden özge sevmezem ayruk
10Yûnus ‘âşık durur ma'şûkın ister Dahı hîç nesne istemezem ayruk