Şükür Hakk'a kim dost bize eyitdi dost yüzine bak Açdum ben de gönlüm gözin sultânumı gördüm mutlak

1Şükür Hakk'a kim dost bize eyitdi dost yüzine bak Açdum ben de gönlüm gözin sultânumı gördüm mutlak

2Çünki gördüm ben Hakk'umı Hakk'ıla olmışam biliş Her kancaru bakdumısa hep görinendür cümle Hak

3Açuk duvacuk kapusı dostları içün ol Hakk'un Dostı olmak dilerisen dostlardan okı bir sebak

4Hicâbdasın bugün seni göstermezler belli sana Hicâb didügümi anla dünyelikdür gözden ırak

5Sen seni bilimeyince ere nazar kılmayınca Senligi bu ara yirden gidermezsen oldı duzak

6Yidi deniz ü dört ırmak seni mismil eylemeye Çünki işün o Hakk'ıla olmadısa kaldun ırak

7Evliyâdur Hak kapusı Yûnus durur kapucısı ‘Işkıla geldi bu yola ‘ışkı idindi hem turak