Yine geldi ‘ışk elçisi yine toldı meydânumuz Yine teferrüc-gâh oldı sagdan sola dört yanumuz

1Yine geldi ‘ışk elçisi yine toldı meydânumuz Yine teferrüc-gâh oldı sagdan sola dört yanumuz

2Yine mahfiller düzüldi yine badyalar kuruldı Yine kadehler sunuldı esrük oldı cânlarumuz

3Ev içi ‘ışkıla toldı ulu kiçi ‘âşık oldı Cânlarumuz hayrân oldı tagıldı perîşânumuz

4Bir niçemüz Hak'dan aldı bir niçemüz Hak'dan toldı Bir niçe Süleymân oldı ‘ışk tahtına binenümüz

5Bir niçemüz Leylî oldı bir niçemüz Mecnûn oldı Bir niçemüz Ferhâd oldı ‘ışkdan haber tuyanumuz

6Meydânumuz meydân oldı cânlarumuz hayrân oldı Her dem ‘Arş'a seyrân oldı Hazret oldı dîvânumuz

7Düşmiş idük ol kaldurdı birligin bize bildürdi İçümüze ‘ışk toldurdı dürüst oldı imânumuz

8Sorarısan dost kandadur kanda istersen andadur Hem gönülde hem cândadur hîç kalmadı gümânumuz

9Yûnus ‘ışkun vasfın söyler girçeklere haber eyler Mahrûmlarun cânı göyner eşker'oldı pinhânumuz