Gayrıdur bu milletden bu bizüm milletümüz Hiç dînde bulunmadı dîn ü diyânetümüz

1Gayrıdur bu milletden bu bizüm milletümüz Hiç dînde bulunmadı dîn ü diyânetümüz

2Bu dîn ü diyânetde dünyâ vü âhiretde Yitmiş iki milletde ayrudur âyâtumuz

3Zâhir suya banmadın el ayak deprenmedin Baş sücûda inmedin kılınur tâ‘atümüz

4Ne Ka'be vü ne mescid ne rükû' u ne sücûd Hakk'ıla dâim becid olur münâcâtumuz

5Ne Ka'be'ye varalum ger mescide girelüm Gerek suya yunalum biledür ‘illetümüz

6Su ne kadar arıda çün yavuz hûyun bile Meger bizi pâk ide Hak'dan ‘inâyetümüz

7Kimün sırrın kim bile çün irilmez bu hâle Yarın anda bell'ola müslümân mürtedümüz

8Yûnus cânun yinile ki dostlugun anıla ‘Işkıla dinlerisen bilesin kudretümüz