Senin vechinden ey mahbûb şefâat ummağa geldim Elim boşdur yüzüm kara şefâat ummağa geldim

1Senin vechinden ey mahbûb şefâat ummağa geldim Elim boşdur yüzüm kara şefâat ummağa geldim

2Mücrim ü müflis âsîyem günâhıma nihâyet yok Senin lutfundan ey mahbûb şefâat ummağa geldim

3Aluban yabana atma kabûl eyle bizi lutf et Senin fazlından ey mahbûb şefâat ummağa geldim

4Benim nefsimdeki fi‘lim dile gelmez desem hergiz Senin zâtından ey mahbûb şefâat ummağa geldim

5Murâdın maksudun bizden dilendi Vâhibî Ümmî’ye Senin rûhundan ey mahbûb şefâat ummağa geldim